Unaweza kusema katika msimu ambao historia inapaswa kuandikwa vyema kwa taji la ligi ya mabingwa (CAFCL) kutua Tanzania basi ni msimu huu.
Ni msimu ambao matumaini ya mashabiki wa Simba yako juu kutokana na kile kinachoonyeshwa na timu yao.
Lakini pia ni msimu ambao unaweza kusema baadhi ya vigogo 'wako unga' huku wengine wakikosekana kabisa baada ya kushindwa kufuzu.
Mabingwa wa kihistoria Al Ahly wako kombe la Shirikisho kama ilivyo kwa Raja CA na AS FAR ambayo msimu uliopita ilicheza fainali ya ligi ya mabingwa (CAFCL).
Jana mshtuko ukashuhudiwa baada ya mabingwa watetezi Mamelodi Sundowns kutupwa nje ya michuano hiyo n Wiliete Sc ya Angola.
Sundowns walilazimishwa sare ya bao 1-1 nyumbani baada ya suluhu ya bila kufungana Angola.
Kuondoshwa kwa Sundowns kunafanya vigogo waliobaki Poti 1 ni Esperance, RS Berkane, Zamalek na Pyramids ambao wamenufaka kuingia Poti 1 baada ya Sundowns kutolewa.
Katika ranking mpya baada ya matokeo ya jana , Simba iko nafasi ya 6 nyuma ya Al Hilal huku Pyramids wakisogea nafasi ya nne. Kama Esperance, Berkane na Zamalek zitafuzu, maana yake ni kuwa Simba itakutana na moja kati ya timu hizo pamoja na Pyramids kwenye makundi.
