Mshambuliaji wa klabu ya Simba SC, Ibrahim Doumbia, amejumuishwa kwenye kikosi cha Timu ya Taifa ya Mali kitakachoshuka uwanjani mwezi huu Novemba kuwania kufuzu Fainali za Mataifa ya Afrika (AFCON) mwaka 2027.
Hii ni mara ya kwanza kwa mshambuliaji huyo mwenye umri wa miaka 22 kuitwa kwenye kikosi cha wakubwa cha Mali cha 'The Eagles', ikiwa ni matokeo ya kiwango chake bora anachoendelea kukionyesha tangu ajiunge na Wekundu wa Msimbazi mwezi Julai mwaka huu.
Kocha Mkuu wa Mali, Anthony da Silva, ametangaza kikosi cha wachezaji 25 watakaovaana na Rwanda katika mechi mbili za kalenda ya FIFA (nyumbani na ugenini) zitakazopigwa kati ya Novemba 13 na Novemba 17, 2026.
Wito huo wa Doumbia unaongeza idadi ya wachezaji wanaoiwakilisha Ligi Kuu ya Tanzania Bara (NBCL) nchini Mali, kwani atakuwa sambamba na mlinda wa Yanga, Djigui Diarra, ambaye pia amejumuishwa kwenye orodha ya makipa watatu wa kikosi hicho.
Kwenye safu ya ushambuliaji, Doumbia anatarajiwa kupigania namba na wachezaji wengine wa kimataifa wa Mali wanaokipiga barani Ulaya, wakiwemo Lassine Sinayoko (Paris FC), Dorgeles Nene (Fenerbahce), na Gaoussou Diarra (Feyenoord).
Doumbia alijiunga na Simba SC akitokea klabu ya AS Korofina ya Mali ambako alimaliza msimu kama mfungaji bora wa ligi hiyo, na kuitwa kwake kwenye kikosi cha wakubwa kunathibitisha thamani yake.
