Simba imeendeleza ushindi kwa asilimia 100 baada ya kuibuka na ushindi wa mabao 2-1 dhidi ya JKT Tanzania katika mchezo mgumu uliopigwa uwanja wa Isamuhyo, Bweni.
Ushirikiano wa Libasse Gueye na Elie Mpanzu ndio ulioihakikishia Simba ushindi huo wawili hao wakifunga na kupeana asisti.
Baada ya JKT Tanzania kutangulia mapema dakika ya 10, Elie Mpanzu aliirejesha Simba mchezoni dakika ya 20 akimalizia kazi nzuri ya Gueye.
Dakika ya 34 Libasse Gueye akafunga bao la pili akimalizia kazi nzuri ya Mpanzu.
Kipindi cha pili Simba ilicheza kwa tahadhari kubwa huku JKT Tanzania wakimiliki mchezo kwa muda mwingi.
Hata hivyo uimara wa safu ya ulinzi ya Simba ikiongozwa na Rushine de Reuck ilikuwa imara kuhakikisha alama tatu zinapatikana licha ya mfululizo wa mashambulizi kutoka kwa JKT Tanzania dakika za lala salama.
Mnyama sasa amerejesha gap la alama tano kileleni mwa msimamo wa ligi baada ya kufikisha alama 33.
Ni ushindi wa 11 mfululizo kwenye ligi! Hii ni rekodi ambayo inaweza kuishi kwa miaka mingi ijayo..!