Tottenham Hotspur wamemuweka kocha mjerumani Julian Nagelsmann, 35, aliyefukuzwa kazi Bayern Munich - kama chaguo lao namba moja kuchukua nafasi ya Muitaliano Antonio Conte, 53, kama bosi wao mpya. (Football Insider)
Spurs wanataka kufanya mazungumzo na Nagelsmann, baada ya kuarifiwa awali kwamba bosi huyo wa zamani wa RB Leipzig ana 'mapenzi' kwa klabu hiyo ya Ligi Kuu ya Uingereza. (Mail)
Hata hivyo, Nagelsmann anaweza kuchukuliwa kama meneja ajaye wa Real Madrid, huku Muitaliano mwenye umri wa miaka 63 Carlo Ancelotti akiwa hana uhakika na mistakabali wake. (Sport)
Mjerumani Thomas Tuchel, 49, atambeba kocha msaidizi wa Chelsea Muingereza Anthony Barry, 36, kwenda kumsaidia majukumu huko Bayern baada ya kuchukua nafasi ya Nagelsmann. (Telegraph)
Bayern walifanya haraka kumteua Tuchel kutokana na hofu kwamba huenda akafuatwa na Real Madrid au Tottenham. (Mirror)
Tuchel pia atajaribu kumsajili mlinda mlango wa Senegal Edouard Mendy, 31, na kiungo wa kati wa Croatia Mateo Kovacic, 28, kutoka klabu yake ya zamani ya Chelsea. (Calciomercato, via Football.London)
Manchester United wameungana na Manchester City na Liverpool katika mbio za kumnunua Kovacic wa Chelsea. (90Min)
Barcelona wana nia ya kumsajili kiungo wa kati wa Manchester City na Ujerumani Ilkay Gundogan, 32, na wale wanaohusika katika mazungumzo kuhusu mustakabali wake wanaamini huenda akahamia Uhispania. (Athletic)
Arsenal watamuuza mchezaji wao aliyeweka rekodi ya uhamisho Nicolas Pepe, ambaye kwa sasa yuko kwa mkopo Nice, msimu huu lakini huenda ikawalazimu kumlipa mchezaji huyo wa kimataifa wa Ivory Coast mwenye umri wa miaka 27 ili kuondoka. (Sun)
Kiungo wa kati wa kimataifa wa Brazil na West Ham Lucas Paqueta, 25, ataondoka msimu wa joto ikiwa The Hammers watashuka daraja. (Football Insider)
PSV Eindhoven wako tayari kumuuza kiungo wa kati wa Ivory Coast Ibrahim Sangare, 25, huku Arsenal, Chelsea, Liverpool na Tottenham zikionyesha nia ya kumtaka. (90Min)
Barcelona wana matumaini UEFA haitaamua kuifungia klabu hiyo kushiriki mashindano ya Ulaya huku uchunguzi ukiendelea kuhusu madai ya malipo ya klabu hiyo kwa afisa wa zamani wa waamuzi. (Mail)
Mmiliki wa Chelsea, Todd Boehly amekubali kwa muda kuandaa mechi ya nyota wote ya kuchangisha fedha katika uwanja wa Stamford Bridge mwezi Agosti kwa ushirikiano na shirika la kutoa misaada la Football for Ukraine. (Evening Standard)
BBC
