Chelsea imethibitisha kumfuta kazi Graham Potter kama meneja wa klabu hiyo
Kichapo cha 2-0 nyumbani dhidi ya Aston Villa, matokeo ambayo yanawaacha katika nafasi ya 11 kwenye jedwali, kwenye Uwanja wa Stamford Bridge siku ya Jumamosi ilithibitika kuwa mechi ya mwisho ya Potter
Bruno Saltor atachukua mikoba ya kuinoa timu hiyo kama kocha mkuu wa muda huku mechi inayofuata ya Chelsea ikiwakaribisha Liverpool Jumanne usiku.
Aidha, tangazo la kilabu lilipendekeza Potter anaweza kuchukua jukumu katika kuamua ni nani mrithi wake wa kudumu.
"Chelsea FC imetangaza kwamba Graham Potter ameondoka kwenye klabu. Graham amekubali kushirikiana na klabu ili kuwezesha mabadiliko ya haraka"
"Katika wakati wake na klabu, Graham ametupeleka robo fainali ya Ligi ya Mabingwa, ambapo tutamenyana na Real Madrid. Chelsea inapenda kumshukuru Graham kwa juhudi zake zote na mchango wake na kumtakia heri kwa siku zijazo," ilisema taarifa ya Chelsea
