Mshambuliaji wa Polisi Tanzania, Ambrose Awio amesema kikosi hicho kinahitaji miujiza kubaki Ligi Kuu Bara kwa msimu ujao baada ya kichapo cha mabao 3-0 dhidi ya Singida Big Stars kwenye Uwanja wa Liti.
Awio amesema kwa hali ilivyo ni ngumu kwao kutokana na wengi wao kukata tamaa ila wataendelea kupambana katika michezo yao minne iliyosalia ili angalau waangukie kwenye mechi za Play-Off
"Kitendo cha kupoteza kinashusha sana morali ya timu na ndicho kitu ambacho kinatukumba kwa sasa, ni wazi tuna kazi kubwa ya kufanya kupata hata hiyo nafasi ya kucheza michezo ya mchujo kama hatutaongeza bidii," alisema
John Tamba ambaye ni kocha msaidizi wa timu hiyo alisema michezo minne iliyobaki itatoa taswira yao kwa msimu huu hivyo wanahitaji kupambania pointi 12 ambazo anaamini wakizipata zitawaweka kwenye sehemu salama
Chini na Kocha Mwinyi Zahera aliyejiunga na timu hiyo Disemba 2022, Polisi Tanzani wameshinda michezo miwili tu kati ya 12 ya Ligi Kuu Bara huku mechi nne wakitoka sare na sita yote iliyosalia wakipoteza
Zahera alichukua nafasi ya Mrundi, Joslin Bipfubusa aliyetimuliwa Oktoba 26, mwaka jana kutokana na matokeo mabovu na alikiongoza katika michezo saba ya Ligi Kuu akishinda pia miwili tu na kupoteza mitano
Katika michezo 26 waliyocheza hadi sasa, wameshinda minne tu, sare saba na kupoteza 15 wakiwa mkiani na alama 19
