Liverpool huenda ikamuweka sokoni Darwin Nunez, 25, msimu huu wa joto, huku mshambuliaji huyo wa Uruguay akikosa muda wa kucheza mara kwa mara Anfield. (The Athletic)
Manchester United inaongoza mbio za kumsajili kiungo wa kati wa Crystal Palace na England, Adam Wharton, 21, licha ya kwamba Juventus nayo bado inaonyesha nia ya kutaka kumnunua. (CaughtOffside)
Viungo Jack Grealish, 29, wa England Mbelgiji Kevin De Bruyne, 33, na Mreno Bernardo Silva, 30, ni miongoni mwa wachezaji wa Manchester City watakaoondoka msimu huu wa joto katika jitihada za Pep Guardiola kujenga upya kikosi chake. (Daily Star)
Guardiola ameazimia kuweka mambo sawa Manchester City, lakini ikiwa ataomba kuondoka, klabu haitamzuia kufanya hivyo. (Telegraph - subscription required)
AC Milan iko tayari kusikiliza ofa za kumuuza Rafael Leao, 25, huku Barcelona na Chelsea zikimtamani kwa muda mrefu winga huyo wa Ureno. (La Gazzetta dello Sport in Italian)
Manchester United inavutiwa na kipa wa Atalanta na Argentina Juan Musso, 30 - ambaye kwa sasa yuko kwa mkopo Atletico Madrid - kutokana na wasiwasi wa kiwango cha sasa cha kipa wa Cameroon, Andre Onana, 28. (Fichajes - in Spanish)
Manchester United pia inataka kumsajili beki wa kushoto wa AC Milan na Ufaransa Theo Hernandez, 27, msimu huu wa joto, huku klabu hiyo ya Serie A ikiwa tayari kumuuza. (Fichajes - in Spanish) Arsenal inaendelea na msukumo wake wa kumsajili kipa wa Kihispania Joan Garcia, 23, msimu huu wa joto kutoka Espanyol. (TeamTalk)
Barcelona, Bayern Munich, na Paris Saint-Germain zote zinavutiwa kumsajili mshambuliaji wa zamani wa Manchester United, Mason Greenwood, 23, kutoka Marseille. United itapokea 50% ya ada yoyote ya uhamisho wa mshambuliaji huyo wa Kiingereza. (GiveMeSport)
Meneja wa Chelsea, Enzo Maresca, bado anaungwa mkono na wachezaji wake na uongozi wa klabu licha ya timu yake kushinda mechi tatu pekee kati ya 11 zilizopita. (Mail Plus)
Hakuna kipengele katika mkataba wa mshambuliaji wa Chelsea na England, Cole Palmer, 22, kinachomruhusu kuondoka ikiwa klabu itashindwa kufuzu kwa Ligi ya Mabingwa. (Mail Plus)
Meneja wa Bournemouth, Andoni Iraola, ndiye pekee anayepewa kipaumbele na Tottenham kumrithi Ange Postecoglou, endapo meneja huyo wa Australia ataondoka klabuni hapo. (talkSPORT)
Arsenal imefikia makubaliano ya kumsajili beki wa kati chipukizi wa Scotland, Callan Hamill, 15, kutoka St Johnstone katika majira ya msimu huu wa joto. (Athletic - subscription required)
BBC
