Manchester City imeibuka bingwa wa EFL Cup 2026 Final baada ya kuifunga Arsenal mabao 2-0 katika fainali iliyochezwa leo Jumapili kwenye Uwanja wa Wembley.
Mabao yote mawili yalifungwa na Nico O’Reilly, ambaye alionekana kwa kiwango cha juu, akiwa shujaa wa mechi. Bao la kwanza liliibuka dakika ya 60 baada ya kipa wa Arsenal, Kepa Arrizabalaga, kushindwa kudhibiti mpira wa krosi, huku bao la pili likifungwa dakika ya 64 kwa kichwa kufuatia shambulizi la kujibu la Manchester City. O’Reilly alitangazwa mchezaji bora wa mechi (Man of the Match).
Manchester City, chini ya kocha Pep Guardiola, walitawala kipindi cha pili cha mchezo, wakitumia nafasi zao vizuri na kuonyesha mpangilio bora wa mashambulizi. Kipa wao, James Trafford, alifanya uokoaji muhimu kadhaa na kuzuia Arsenal kurejea kwenye mechi.
Kwa upande wa Arsenal, walijitahidi lakini walikosa umakini katika kumalizia nafasi. Wachezaji kama Declan Rice walishindwa kuleta tofauti, na makosa ya kipa wao yalichangia City kuibuka bingwa.
Ushindi huu unaipa Manchester City taji lao la kwanza la ndani msimu huu, huku wakionesha ubabe na uthabiti mkubwa katika soka la Uingreza. Kwa Arsenal, matokeo haya ni pigo, huku wakiendelea kupigania mataji mengine yaliyosallia Ligi Kuu na UEFA CL.
Bado Arsenal na City zinachuana kuwania taji la ligi kuu ingawa Arsenal ikionekana kuwa na nafasi ya wazi zaidi kumaliza ukame wa taji hilo
