Klabu ya Chelsea FC imeripoti hasara kubwa zaidi kabla ya kodi katika historia ya Premier League, licha ya kuonyesha ongezeko kubwa la mapato katika msimu wa 2024-25.
Kwa mujibu wa taarifa, Chelsea ilipata hasara ya takriban pauni milioni 262.4 kabla ya kodi, ikiwa ni rekodi mpya mbaya katika ligi hiyo, huku mapato yake yakipanda hadi karibu pauni milioni 491.
Inaelezwa kuwa hasara hiyo imesababishwa kwa kiasi kikubwa na ongezeko la gharama za uendeshaji, zikiwemo matumizi makubwa kwenye usajili wa wachezaji, mishahara pamoja na gharama za siku za mechi, kufuatia uwekezaji mkubwa uliofanywa katika kikosi na miundombinu ya klabu.
Hata hivyo, pamoja na hasara hiyo kubwa, Chelsea bado ipo ndani ya kanuni za kifedha za ligi kutokana na faida za awali pamoja na mbinu za kihasibu zilizotumika. Klabu hiyo pia ina matumaini ya kuongeza mapato zaidi katika siku zijazo ili kurejesha uwiano wa kifedha.
