England imehitimisha kampeni yake ya Kombe la Dunia 2026 kwa kushika nafasi ya tatu baada ya kuibuka na ushindi wa kusisimua wa mabao 6-4 dhidi ya Ufaransa, katika mchezo uliovunja rekodi na kuingia kwenye historia ya mashindano hayo.
Pambano hilo lilikuwa la aina yake, huku timu zote zikicheza soka la kushambulia na kuwapa mashabiki burudani ya hali ya juu. England walionyesha uimara mkubwa katika dakika muhimu na kufanikiwa kuondoka na medali ya shaba baada ya mchezo wenye jumla ya mabao 10.
Nyota wa England, Bukayo Saka, alikuwa shujaa wa mchezo huo baada ya kufunga hat-trick, akiongoza Three Lions kuhitimisha mashindano kwa ushindi mkubwa dhidi ya Les Bleus.
Licha ya Ufaransa kupoteza mchezo huo, Kylian Mbappé ameandika historia mpya kwa kuwa mfungaji bora wa muda wote katika historia ya Kombe la Dunia, akifikisha jumla ya mabao 22, rekodi ambayo haijawahi kufikiwa na mchezaji mwingine yeyote.
Kwa upande mwingine, kiungo mshambuliaji Michael Olise ameweka rekodi mpya ya kutoa asisti saba (7) katika kampeni moja ya Kombe la Dunia, idadi kubwa zaidi kuwahi kufikiwa na mchezaji katika toleo moja la mashindano hayo.
Ushindi huo umeifanya mechi ya England dhidi ya Ufaransa kuwa mchezo wa kuwania nafasi ya tatu wenye mabao mengi zaidi katika historia ya Kombe la Dunia, baada ya kumalizika kwa matokeo ya 6-4, rekodi mpya inayodhihirisha ubora na burudani iliyoshuhudiwa katika pambano hilo la kihistoria.
