Tanzania U23 imeanza vibaya kampeni ya kufuzu AFCON U23 baada ya kupoteza kwa mabao 4-1 dhidi ya Kenya U23 katika mchezo wa kwanza wa hatua ya kufuzu mashindano hayo.
Kenya ilifanikiwa kupata mabao yake kupitia Paul Osama, Lawrence Okoth, Kelvin Wangaya na Kelly Madada, huku Tanzania ikipata bao lake pekee kupitia Sheikhan Ibrahim kwa mkwaju wa penalti.
Matokeo hayo yameiweka Tanzania katika nafasi ngumu kuelekea mchezo wa marudiano, kwani sasa Taifa hilo litahitaji ushindi wa tofauti kubwa ili kujaribu kubadili matokeo ya jumla na kuendelea na harakati za kusaka tiketi ya AFCON U23.
Mchezo wa marudiano kati ya Tanzania U23 na Kenya U23 umepangwa kuchezwa Oktoba 6, 2026, ambapo Tanzania itakuwa na jukumu la kutafuta ushindi huku ikijaribu kufuta pengo la mabao matatu lililoachwa na Kenya.
Hata hivyo, dakika 90 nyingine bado zipo, hivyo Tanzania itahitaji kuingia kwenye mchezo huo ikiwa na mpango madhubuti na kutumia nafasi zake vizuri ili kujaribu kufanya mrejesho mkubwa.
Dakika 90 nyingine bado zinabaki!
