Kocha Mkuu wa Yanga, Manqoba Mngqithi, amesema kikosi chake kimejiandaa vizuri na kiko tayari kwa mchezo wa dabi ya Kariakoo dhidi ya Simba SC unaotarajiwa kuchezwa kesho.
Mngqithi amesema Yanga haihofii Simba, akieleza kuwa anamfahamu vizuri kocha wa wapinzani wao, Steve Barker, jambo linalompa uelewa kuhusu namna ya kukabiliana na timu hiyo katika mchezo huo.
Amesisitiza kuwa maandalizi waliyofanya yamewaweka katika hali nzuri kuelekea dabi hiyo, huku akiamini kuwa wachezaji wake wako tayari kutekeleza maelekezo ya benchi la ufundi ndani ya uwanja.
Dabi hiyo ya Kariakoo inatarajiwa kuwa na ushindani mkubwa kutokana na upinzani wa muda mrefu kati ya Simba na Yanga, huku timu zote zikilenga kupata matokeo mazuri dhidi ya wapinzani wao wa jadi.
