Mchezo wa mkondo wa kwanza wa kuwania kufuzu hatua ya makundi ya Ligi ya Mabingwa Afrika (CAFCL) kati ya 15 de Agosto na Simba SC umeahirishwa kwa siku moja na sasa utachezwa Oktoba 21 katika Uwanja wa Uhuru, Dar es Salaam, kuanzia saa 9:00 alasiri.
Mabadiliko hayo yamethibitishwa na Meneja wa Habari na Mawasiliano wa Simba, Ahmed Ali, aliyesema kuwa 15 de Agosto waliwasilisha ombi kwa Shirikisho la Soka Afrika (CAF) baada ya kukosa ndege iliyotarajiwa kuwafikisha nchini kwa wakati.
Mchezo bila mashabiki
Katika hatua nyingine, mchezo huo utachezwa bila mashabiki baada ya upande wa 15 de Agosto kuweka msimamo wa kutotaka mashabiki waruhusiwe kuingia uwanjani kushuhudia pambano hilo.
Hali hiyo inamaanisha kuwa mchezo wa kwanza hautakuwa na hamasa ya mashabiki kutoka viwanjani, huku timu zote zikitarajiwa kuelekeza nguvu zao katika kutafuta matokeo mazuri yatakayowapa nafasi ya kufuzu hatua ya makundi.
Simba kuwa mwenyeji Oktoba 25
Mchezo wa marudiano umepangwa kufanyika Oktoba 25 katika Uwanja wa Uhuru, uwanja huohuo utakaotumika katika mchezo wa kwanza.
Tofauti na mchezo wa kwanza, safari hii Simba watakuwa wenyeji na mashabiki wanatarajiwa kuruhusiwa kushuhudia mtanange huo.
Kwa Simba, michezo hiyo miwili ni muhimu katika harakati za kutafuta tiketi ya kufuzu hatua ya makundi ya CAFCL.
