Kocha Mauricio Pochettino anatarajiwa kuanza rasmi majukumu yake kama kocha mkuu wa Manchester United kesho, Novemba 18, baada ya kukamilisha majukumu yake ya mwisho akiwa na timu ya taifa ya Marekani.
Pochettino amechaguliwa kuiongoza United akichukua nafasi ya Michael Carrick, ambaye alifutwa kazi wiki iliyopita kufuatia mwenendo usioridhisha wa timu hiyo katika Ligi Kuu England.
Kocha huyo raia wa Argentina anakabiliwa na kazi kubwa ya kuirejesha United kwenye ushindani baada ya timu hiyo kushinda mchezo mmoja pekee kati ya michezo 10 ya mwanzo ya ligi na kujikuta katika nafasi ya 18 kwenye msimamo.
Kabla ya kuanza kazi Old Trafford, Pochettino anapaswa kumaliza majukumu yake na Marekani katika michezo miwili dhidi ya Haiti ya Concacaf Nations League. Baada ya mchezo wa mwisho, anatarajiwa kusafiri kwa ndege binafsi kwenda Manchester na kuwasili Jumatano asubuhi.
Anatarajiwa kuelekea moja kwa moja katika kituo cha mazoezi cha Carrington kuanza maandalizi ya mchezo wake wa kwanza dhidi ya Liverpool utakaopigwa Jumapili katika dimba la Anfield.
Baada ya Liverpool, Pochettino pia atakabiliwa na michezo dhidi ya Sporting CP na Brentford, ikiwa ni mwanzo wa safari yake ya kujaribu kuibadilisha Manchester United ambayo imekuwa na mwanzo mgumu wa msimu.