Stars inaendelea kujifua Kenya

Timu ya Taifa ya Tanzania 'Taifa Stars' inaendelea kujifua nchini Kenya kujiandaa na mchezo wa kuwania kufuzu fainali za Afcon dhidi ya Guinea ya Ikweta utakaopigwa March 24 huko Guinea

Tanzania imeweka kambi yake Kenya ambako ilikwenda kwa ajili ya kucheza mechi mbili za kujipima nguvu dhidi ya Harambee Stars

Mchezo wa kwanza uliopigwa March 15, Tanzania ilipoteza kwa kufungwa mabao 2-1. Mchezo wa pili ambao ulipaswa kupigwa jana, ulifutwa kufuatia kifo cha aliyekuwa Rais wa Jamhuri ya Muungano wa Tanzania Marehemu Dk John Magufuli

Wakiwa chini ya kocha Kim Poulsen, Tanzania wanajifua katika uwanja wa Nyayo tayari kusaka nafasi ya kucheza fainali za Afcon kwa mara ya tatu