Wananchi bado hawajamshuhudia dimbani beki wao mpya Dickson Job aliyesajiliwa dirisha dogo akitokea klabu ya Mtibwa Sugar
Tangu asajiliwe na Yanga, Job amekuwa akiuguza majeraha ya goti ambayo pia yamemnyima nafasi ya kuitumikia timu ya Taifa katika michuano ya CHAN na Afcon inayofikia tamati leo kwa Tanzania kucheza na Libya
Habari njema ni kuwa Job amepona majeraha hayo na yuko tayari kurejea kikosini
Ameendelea kufanya mazoezini Kigamboni chini ya kocha Juma Mwambusi
Msimu huu safu ya ulinzi ya Yanga imewategemea zaidi nahodha Lamine Moro na Bakari Nondo Mwamnyeto
Pengine tutarajie mabadiliko katika eneo hilo baada ya kuongezeka Job ambaye atawania namba katika eneo hilo na Said Juma Makapu na Abdallah Shaibu 'Ninja'
Lakini Job atakuwa na faida zaidi kutokana na uwezo wake wa kucheza nafasi zaidi ya moja
Nyota huyo mwenye umri wa miaka 20 anaweza kucheza nafasi zote za ulinzi pembeni lakini pia hata kiungo mkabaji
