Wakati wachezaji waliokuwa timu za Taifa wakitarajiwa kuanza kurejea kikosini, mshambuliaji Fiston Abdul Razak nae anatarajiwa kuanza mazoezi baada ya kupona majeraha ya misuli ya paja
Fiston aliumia katika mchezo wa ligi kuu dhidi ya Polisi Tanzania, mchezo uliomalizika kwa matokeo ya sare ya bao 1-1
Nyota huyo raia wa Burundi ndiye aliyefunga bao pekee la Yanga katika mchezo huo ambao matokeo yake yalipelekea benchi la ufundi kuvunjwa
Jana Kaimu Kocha Mkuu wa Yanga, Juma Mwambusi alisema Fiston anaendelea vizuri na wanatarajia ataungana na wenzake katika mazoezi ya Jumatatu
"Nafurahi kumuona Fiston akiwa amerejea tena kikosini kwa ajili ya kuanza maandalizi ya michezo inayokuja mbele yetu," alisema Mwambusi
Kama hakutakuwa na mabadiliko ya Ratiba, katika wiki ya kwanza ya mwezi wa nne Yanga itacheza mechi mbili dhidi ya Tanzania Prisons (FA) na dhidi ya KMC (Ligi Kuu)
