Mzee Akilimali kikaangoni

Wanachama wa klabu ya Yanga awamu hii wamedhamiria kuiona timu yao inafanikiwa kufikia mabadiliko ambayo mchakato wake umetangazwa juzi na Katibu Mkuu, Charles Mkwasa.

Sasa kuhakikisha hatokei yeyote kupinga mchakato huo kama ilivyotokea kipindi cha nyuma, Wenyeviti wa Matawi yote ya Yanga Tanzania walikutana na kufikia maazimio kadhaa.



Moja ya azimio ni kuutaka uongozi wa Yanga umtimue Katibu wa Baraza la Wazee, Mzee Ibrahim Akilimali ambaye inadaiwa bado hajabadili msimamo wake kuhusu mchakato huo wa mabadiliko.

Msemaji wa Matawi ya Yanga, Kaisi Edwin ambaye ni Mwenyekiti wa Tawi la Uhuru amesema kikao cha wenyeviti wote wa matawi kimeazimia kuandika barua kwa uongozi ili umfutie uanachama Mzee Akilimali