Balama apewa program maalum

Kiungo mshambuliaji wa Yanga Mapinduzi Balama ameanza program maalum ya mazoezi ambayo itamsaidia kurejea dimbani kuendelea na majukumu yake

Ni takribani miezi 10 sasa Wananchi hawajamshuhudia fundo huyo wa mpira ambaye msimu uliopita alianza kujitengenezea ufalme ndani ya kikosi cha Yanga

Ni kutokana na majeraha ya kifundo cha mguu aliyopata mwishoni mwa msimu huo

Majeraha ambayo nusura yamalize maisha yake ya kusakata kabumbu. Matibabu aliyopata hapa Tanzania na baadae Afrika Kusini yamempa matumaini kuwa atarejea tena dimbani

Balama ametakiwa kuanza na program za mazoezi mepesi na kisha kufuatiwa na mazoezi magumu ambayo yatamuimarisha zaidi kabla ya kurudi uwanjani

Pengine Wananchi wanaweza kumshuhudia kabla msimu huu haujamalizika