Maombolezo ya JPM kufikia tamati leo

Leo ni siku ya mwisho ya maombolezo ya kitaifa baada ya kifo cha Rais wa Serikali ya Awamu ya Tano, Dk  John Magufuli.

Rais Magufuli alifariki dunia Machi 17 mwaka huu katika Hospitali ya Mzena mkoani Dar es Salaam. Magufuli alikuwa Rais wa Tanzania kwa miaka mitano na miezi minne tangu Novemba mwaka 2015.

Machi 17 mwaka huu saa 5.03 usiku Rais Samia Suluhu Hassan wakati huo akiwa Makamu wa Rais, alitangaza kifo cha Rais Magufuli na zikatangazwa siku 21 za maombolezo na bendera kupepea nusu mlingoti nchi nzima.

Kwa mujibu wa takwimu, leo ni siku ya 21 tangu kutangazwa kwa siku hizo za maombolezo

Rais Magufuli alizikwa Machi 26 mwaka huu nyumbani kwake Chato mkoani Geita