Baada ya Yanga kuachana na aliyekuwa mtaalamu wa viungo Edem Mortotsi raia wa Ghana, mrithi wake anatajwa kuwa Jawad Sabri, kutoka Morocco
Sabri alikuwa mtaalam wa viungo kunako klabu ya Raja Athletic ambaye jana iliingia makubaliano ya ushirikiano na Yanga
Kocha huyo ataingia katika benchi la ufundi litakaloongozwa na Kocha Mkuu Nasredine Al Nabi aliyetua nchini juzi na kusaini mkataba wa mwaka mmoja na nusu
Uongozi wa Yanga wakipewa sapoti na GSM wamechukua hatua madhubuti kutengeneza benchi imara la ufundi ambalo litairejesha timu kwenye ubora wake
Mkurugenzi wa Uwekezaji GSM Mhandisi Hersi Said aliwahi kusema ili timu iweze kufanikiwa inahitaji uongozi bora, benchi bora la ufundi na wachezaji bora
Yanga inayafanya yote hayo wakati huu, ni suala la muda tu, mafanikio ya kweli yatapatikana
