Carlinhos, Yassin kuwakosa Simba

Kiungo Carlos Carlinhos hatakuwa sehemu ya kikosi cha Yanga kitakachoikabili Simba siku ya kesho katika mchezo wa ligi kuu ya Vodacom

Juzi Carlinhos alifanyiwa vipimo vya majeraha aliyopata mkoani Rukwa katika mchezo dhidi ya Tanzania Prisons ambapo imebainika kuwa nyota huyo kutoka Angola amechanika nyama za paja

Carlinhos atakuwa nje kwa takribani wiki mbili kuuguza majeraha hayo

Aidha, uongozi wa Yanga umethibitisha kuwa mlinzi wa kushoto Yassin Mustafa nae atakosekana siku ya Jumamosi akiuguza majeraha

Yassin nae atarejea uwanjani baada ya wiki mbili

Upande wa kushoto kocha Nasreddine Nabi anatarajiwa kumtumia Adeyum Saleh ambaye amecheza mechi tatu zilizopita wakati Fei Toto atarejea kuchukua nafasi ya Carlinhos