Wachezaji Carlinhos na Yassin Mustafa wanatarajiwa kufanyiwa vipimo siku ya Jumatatu kubaini kama wamepona majeraha yaliyowaweka nje kwa wiki kadhaa
Afisa Habari wa Yanga Hassan Bumbuli nyota hao walipaswa kukaa nje kwa wiki mbili kulingana na taarifa za majeraha yao
Aidha Bumbuli amesema beki Abdallah Shaibu 'Ninja' yeye ataendelea kukosekana kwa wiki moja zaidi
"Yassin na Carlinhos watafanyiwa vipimo na madaktari Jumatatu ili kuona kama wamepona sawasawa ili warejee kikosini. Wote walipaswa kukaa nje wiki mbili, muda ambao tayari umekamilika," alisema Bumbuli
"Ninja yeye bado anaendelea na kukosekana kwa wiki nyingine moja. Tunatarajia atakuwa tayari kurejea baada ya muda huo"
Habari njema pia ni kupona kwa kiungo Mapinduzi Balama ambaye sasa anatarajiwa kuanza mazoezi baada ya kufanyiwa vipimo juzi na kubaini amepona
Hata hivyo nyota huyo aliyekaa nje kwa takribani mwaka mmoja, hatarejeshwa kikosini moja kwa moja bali ataendelea na program maalum ya mazoezi kabla ya kujumuishwa na wachezaji wengine
