Baada ya tetesi za muda mrefu, Mwenyekiti wa zamani klabu ya Yanga Yusufu Manji ni kweli amerejea nchini
Manji alijiuzulu Uwenyekiti wa Yanga May 23 2017 kutokana na changamoto kadhaa ikiwa ni pamoja na kukabiliwa na kesi mbalimbali Mahakamani
Baada ya kutua hapo jana, alizuiliwa kwa muda na maofisa Uhamiaji kwa ajili ya kujiridhisha na masuala kadhaa na baadae aliruhusiwa
Tangu alipoondoka nchini, Manji alikuwa akiishi Marekani
Mkurugenzi huyo wa Makampuni ya Quality Group ni kama ameitikia wito wa Rais wa Jamhuri ya Muungano wa Tanzania Mh Mama Samia Suluhu Hassan ambaye alifungua milango kwa Wawekezaji waliokuwa wameondoka nchini kutokana na changamoto za hapa na pale, warejee kuendelea na shughuli zao huku Serikali ikiahidi kushirikiana nao katika kutatua changamoto hizo
Wiki iliyopita Mfanyabiashara, tajiri namba moja barani Afrika Aliko Dangote ambaye pia kwa nyakati tofauti alihusishwa kutaka kuwekeza Yanga, nae aliwasili nchini na kufanya mazungumzo na Rais Samia ambapo aliwataka Wafanyabiashara na wawekezaji waliokuwa wameondoka kurejea nchini ili washirikiane na Serikali
Kurejea kwa Manji ni habari njema kwa Wananchi kwani upo uwezekano mkubwa pale mchakato wa Mabadiliko utakapokuwa umekamilika, anaweza kujitosa kununua hisa ili kuwa mmoja wa Wawekezaji ndani ya klabu
