TPLB yakutana na klabu mkataba mpya Azam Media

Sekretarieti ya Bodi ya Ligi Kuu Tanzania (TPLB) jana imekutana na viongozi wakuu wa klabu zinazoshiriki Ligi Kuu ya Vodacom 2020/21 pamoja na viongozi wa timu mbili mpya zilizopanda Ligi Kuu

Mkutano huo ulikuwa maalum kwa ajili ya kujadili na kushauriana masuala kadhaa yahusuyo haki na wajibu wa klabu na TFF/TPLB kwenye mkataba mpya wa haki za matangazo ya Televisheni uliosainiwa juma lililopita

Rais wa Shirikisho la Mpira wa Miguu Tanzania (TFF), Wallace Karia alifungua Mkutano huo akiwataka viongozi hao wazingatie mambo ya msingi ili klabu zao zinufaike zaidi na mkataba huo.