Mshambuliaji wa Yanga Fiston Abdulrazak amesema kutopata muda wa kutosha ndio sababu iliyomfanya ashindwe kuonyesha makali yake
Fiston alitua Yanga katika usajili wa dirisha dogo kukiwa na matarajio makubwa kwake
Hata hivyo imekuwa ngumu kwake baada ya kushindwa kupenya kwenye kikosi cha kwanza
Fiston amebainisha kuwa ataondoka baada ya mkataba wake kumalizika
"Nimekutana na changamoto kadhaa tangu nilipojiunga na Yanga. Malengo na maamuzi yangu baada ya changamoto hizi najua mwenyewe ila baada ya kufanya maamuzi ndio nitaweka kila kitu wazi. Kabla ya Yanga kuonyesha nia yoyote binafsi nimetangaza nia yangu siwezi kubaki katika timu hii hata kama wakinihitaji vipi kuongeza mkataba mpya," Fiston aliliambia Mwanaspoti
"Kabla ya msimu kumalizika, niliongea na Kaze nikiwa Misri. Alitaka nije kucheza Tanzania lakini nilimwambia bado nafikiria mbele zaidi kwani nguvu zangu bado zinaruhusu."
"Hata hivyo, aliniambia Yanga inahitaji kumaliza msimu ikiwa bingwa na wanahitaji msaada wangu. Nilimheshimu sana hivyo, niliamua tu kufanya maamuzi ya kujiunga nae na aliniunganisha na Hersi Said na nilisaini na klabu hii"
"Timu haikai pamoja muda mrefu. Mkikaa pamoja mnajuana na kufahamiana vizuri. Wenzetu wanaofanya vizuri ni kwa sababu wachezaji wamekaa muda mrefu pamoja. Ni ngumu kutarajia makubwa kutoka kwa mchezaji wa kigeni ndani ya msimu mmoja na anahitaji muda kuzoea mazingira"
