Yanga kuelekea Tabora Jumatano

Kikosi cha Yanga kinatarajiwa kuondoka jijini Dar es salaam kesho Jumatano kuelekea mkoani Tabora kwa ajili ya mchezo wa nusu fainali kombe la Shirikisho la Azam (ASFC) dhidi ya Biashara United

Mchezo huo utapigwa Ijumaa ya wiki hii katika uwanja wa Ali Hassan Mwinyi

Yanga itaelekea Tabora huku ikiwakosa baadhi ya nyota kutokana na sababu mbalimbali

Meneja wa Yanga Hafidh Saleh amewataja Mapinduzi Balama, Lamine Moro, Michael Sarpong, Abdallah Shaibu, Yassin Mustafa na Metacha Mnata hawatasafiri

Ninja, Mustafa, Balama, Sarpong na Moro ni majeruhi wakati Metacha alisimamishwa na uongozi wa Yanga

Yanga imepania kutwaa  ubingwa wa FA hivyo ushindi katika mchezo dhidi ya Biashara United ni lazima ili kuweza kutinga fainali