Wadhamini wa klabu ya Yanga kampuni ya GSM imeahidi kuendelea kuisaidia Yanga kuhakikisha inakuwa timu yenye ushindani na mafanikio Afrika
Akizungumza kwa niaba ya Rais wa GSM Galib Said Mohammed 'GSM', Mkurugenzi wa Uwekezaji wa kampuni hiyo, Injinia Hersi Said, amesema wataendelea kuipigania Yanga bila ya kujali watakuwa miongoni mwa wawekezaji au la
Injinia Hersi amesema msimu huu GSM wamewekeza fedha nyingi katika usajili unaolenga kuliteka soka la Afrika
"Wakati tunaingia Yanga tulikuwa na mipango ya mda mfupi na mda mrefu, tunashukuru chini ya mwenyekiti Dr. Mshindo Msolla tumeweza kuinua thamani ya Klabu, mpango wa mda mrefu ni kuhusu mabadiliko ya Klabu yetu ambao haki ya Wanachama wetu imezingatiwa kwa kuwashirikisha"
"Tunashukuru kuwa sehemu ya Familia ya Yanga na tayari tumeanda fedha kwa ajili ya kufanya usajili wa nguvu, ambao itatufanya kuwa timu bora ndani na nje ya Afrika," alisema Injinia
Katika hatua nyingine, Kamati ya Utendaji imeteuwa Wajumbe watano wa Baraza la Wadhamini
Dk Msolla amewataja Wajumbe hao kuwa ni George Mkuchika, Geofrey Mwambe , Abbas Tarimba, Mama Fatma Karume na Mwigulu Nchemba
Aidha Kamati ya Utendaji pia imewafungulia Wajumbe watatu waliokuwa wamefungiwa kutokana na sababu mbalimbali
"Katika kuzingatia kuleta umoja ndani ya Klabu Wajumbe watatu waliokuwa wamesimamishwa mwaka jana wamerudishwa kwenye nafasi zao kuendelea kwenye majukumu yao"
