Leo ni Julai 03, ifikapo saa 11 jioni Yanga itashuka uwanja wa Benjamin Mkapa kuwakabili watani zao Simba katika mchezo wa ligi kuu ya Vodacom
Mchezo huu ulipaswa kupigwa May 08 lakini ikajitokeza sintofahamu, matarajio ya wengi ni kuwa leo utapigwa saa 11 kama ulivyopangwa
Pamoja na tambo na majigambo ya watani zao, huu ni mchezo ambao wachezaji wa Yanga wanapaswa kuthibitisha umahiri wao kwa kuzima tambo hizo
Wale wachezaji 18 watakaopewa nafasi ya kushiriki mchezo na kocha Nasreddine Nabi, wafahamu watabeba furaha ya Mamilioni ya mashabiki wa Yanga
Ulikuwa msimu ambao Wanayanga waliweka matumaini makubwa kwa timu yao, kukosa ubingwa wa VPL ni jambo linalowaumiza
Lakini kufungwa na Simba ni jambo litakalowaumiza zaidi. Hakika leo wachezaji wana jukumu la kuipigania nembo ya Yanga kwa gharama yoyote
Jana nahodha Msaidizi Abdallah Shaibu 'Ninja' aliwataka mashabiki kujitokeza kwa wingi uwanjani kuwapa sapoti huku akitoa ahadi kuwa HAWAFUNGWI
Hii ni siku muhimu na kubwa sana kwao kwani kama watashinda majina yao yataandikwa na kubaki katika mioyo ya Wanayanga
Kila la kheri Wananchi..
