Kocha Mkuu wa Yanga Nasreddine Nabi amewapongeza wachezaji kwa kufanikiwa kupata ushindi wa bao 1-0 dhidi ya Simba katika mchezo uliopigwa uwanja wa Benjamin Mkapa
Nabi amesema watashangilia ushindi huo kwa muda mfupi kwani wanakabiliwa na mchezo mwingine wa fainali ya FA dhidi ya Simba mkoani Kigoma
Nabi amesema alifahamu mchezo huo usingekuwa mwepesi lakini aliwasoma Simba na kubaini madhaifu yao na hivyo kuyatumia kuweza kuwadhibiti na kupata ushindi huo muhimu
"Simba ni timu nzuri tulichokifanya ni kuwasoma ubora wao ili kuwazuia na mapungufu yao ili kuwafunga na tumefanikiwa"
"Wachezaji wangu wamejitahidi kuyafanyia kazi malekezo tuliyowapa. Tutafurahia kwa muda mfupi kabla ya kujiandaa na mchezo wa fainali baadae mwezi huu, tunajua watakuja kwa nia ya kulipa kisasi ndio maana tunapaswa kujipanga," alisema Nabi
Kwa Nabi, huu ni ushindi wake wa kwanza dhidi ya Simba na pia dhidi ya kocha wa Simba Didier Gomes ambaye leo ameonja radha halisi ya kipigo kwenye dabi
