Kiungo wa Yanga Zawadi Mauya aliyefunga bao pekee dhidi ya Simba, amesema matokeo ya ushindi waliopata yamewapa heshima na kupeleka furaha kwa mashabiki wao
Mauya amesema walikuwa na mechi nzuri dhidi ya watani zao na jamboi jema zaidi ni kuwa walipata ushindi ambao walidhamiria kuupata
"Tulicheza mchezo mzuri. Lile goli sikupanga, ila ilitokea tu. Ulikuja mpira uliookolewa ukawa unazagaazagaa pale na mimi niko karibu nikaukimbilia na kuupiga, lakini kwa sababu tulikuwa na jambo letu, ngoma ikaenda hadi mwisho," alisema Mauya
Aidha Mauya amesema kwa sasa wanajipanga kukamilisha msimu kabla kuanza maandalizi ya mchezo wa fainali ya FA dhidi ya Simba ambao utapigwa Julai 25 mkoani Kigoma
Mauya amesema kama walivyofanya mchezo uliopita, wamedhamiria kushinda mchezo huo na kuwa mabingwa wa FA
