Kamati ya Uendeshaji na Usimamizi wa ligi ya Bodi ya Ligi Kuu Tanzania (TPLB) katika kikao chake cha Julai 6, 2021 ilipitia mwenendo na matukio mbalimbali ya Ligi Kuu na kufanya maamuzi mbalimbali
Miongoni mwa maamuzi hayo ni klabu ya Yanga imetozw faini ya Tsh Milioni 3 kutokana na makosa yaliyofanyika kwenye mchezo dhidi Simba uliopigwa Jumamosi iliyopita
Faini hiyo imetokana na makosa ya kutumia mageti ya uwanja wa Uhuru kuingiwa uwanja wa Benjamin Mkapa badala ya mlango maalum unaotumiwa na timu
Pia kutumia mlango wa chumba cha waandishi wa habari badala ya mlango maalum unaotumiwa na timu
Makosa mengine ni pamoja na kuingia uwanjani kupasha misuli kwa kutumia mlango B ambao haukupangwa kutumika
Pia kutumia chumba cha wafanya usafi wa uwanja kwa ajili ya kubadilishia nguo badala ya chumba maalum cha kubadilishia nguo
Aidha Yanga pia inatakiwa kulipa Tsh 850,000/- ikiwa ni gharama ya ukarabati wa mageti yaliyovunjika wakati wakiingia uwanjani pamoja na makufuli yake
