Lamine arejeshwa kikosini

Nahodha wa Yanga Lamine Moro, amerejeshwa kikosini baada ya kumaliza changamoto na benchi la ufundi

Lamine hajaonekana uwanjani tangu mwishoni mwa mwezi wa nne baada ya kutokea sintofahamu na kocha Nasreddine Nabi wakati Yanga ikijiandaa na mchezo dhidi ya Namungo mkoani Mtwara

Nyota huyo akarejeshwa jijini Dar es salaam ambapo pamoja na mambo mengine, aliendelea na matibabu ya jeraha la nyama za paja ambalo humsumbua mara kwa mara

Jana Yanga pia ilithibitisha kumrejeshwa kundini mshambuliaji Michael Sarpong ambaye pia alikuwa amesimamishwa kutokana na makosa ya utovu wa nidhamu

Wananchi wamepania kumaliza msimu kibabe, hesabu zikielekezwa mchezo wa fainali kombe la FA dhidi ya Simba ambao utapigwa Julai 25 mkoani Kigoma