Kiungo mkongwe Haruna Niyonzima ameushukuru uongozi wa Yanga kwa kuthamini mchango wake na kumpa heshima ya kumuaga
Keshokutwa Alhamisi Yanga itacheza na Ihefu Fc katika mchezo wa ligi ambao utapigwa uwanja wa Benjamin Mkapa
Mchezo huo utatumika kumuaga Niyonzima aliyeitumikia Yanga kwa takribani misimu sita
"Nawashukuru viongozi, Wanachama na mashabiki kwa hatua hii. Hii ni familia yangu, naamini siku moja nitarudi. Nafurahi kuona mchango wangu umethaminiwa mpaka kufikia kuagwa kwa heshima," alisema
Aidha Niyonzima amemtaja kiungo Zawadi Mauya kuwa mcheza anayemvutia zaidi ambaye anaamini ataweza kufuata nyayo zake kama ataendelea kuaminiwa
"Nafikiri wako wachezaji wengi lakini navutiwa zaidi na Mauya. Ni mchezaji ninaependa kumuangalia vile anavyocheza. Sio tu kwa sababu alifunga goli July 3, lakini namuona uwezo wake mazoezini na kwenye mechi"
Niyonzima ameshinda mataji manne ya ligi kuu akiwa na Yanga, amesema pamoja na kuondoka Yanga, ataendelea kucheza soka ambapo timu atakayojiunga nayo itafahamika baada ya msimu huu kumalizika
