Tutaleta mbadala wa Niyonzima - Dk Msolla

Mwenyekiti wa Yanga Dk Mshindo Msolla amesema baada ya Haruna Niyonzima kuondoka, nafasi yake itazibwa

Niyonzima ameagwa leo baada ya mchezo dhidi ya Ihefu Fc ambao uliishuhudia Yanga ikiibuka na ushindi wa mabao 2-0

Akizungumza katika hafla fupi iliyofanyika uwanja wa Benjamin Mkapa, Dk Msolla alisema Wananchi wasiwe na wasiwasi kwani watamleta mchezaji mwenye hadhi ya kuchukua nafasi ya Niyonzima

"Ingawa hapa sio mahali pa kuzungumza masuala ya usajili lakini niwahakikishie nafasi ya Niyonzima itazibwa," alisema Dk Msolla

Mpaka sasa Yanga ina nafasi tatu za wachezaji wa kigeni kuziba ambao ni Carlinhos, Niyonzima na Fiston Abdulrazak ambaye inaelezwa ameondoka kimyakimya baada ya mkataba wake wa miezi sita kumalizika