Mshauri wa Yanga Senzo Mazingisa, ameeleza machungu aliyopata baada ya kupoteza mchezo wa fainali kombe la Shirikisho dhidi ya Simba hapo jana
Hata hivyo Senzo amesema anafarijika kuwa katika klabu ya Yanga na ushirikiano aliopata, unampa ujasiri wa kuendelea kupambana kuelekea msimu ujao
Kupitia ukurasa wake wa mtandao wa kijamii, Senzo ameandika ujumbe huu;
"Isingekuwa SOKA kama haingekuwa na athari katika maisha yangu. Nimecheka na kufurahi wakati nilikuwa upande wa kushinda, niliumia na nikakata tamaa wakati ninafungwa"
"Lakini, ninapotafakari juu ya hisia hizi na kujua kuwa niko nyumbani na Wananchi, ninafarijika na kupata moyo kuendelea na kufanya kilicho bora zaidi msimu ujao"
"Imekuwa msimu wa ukuaji na maendeleo. Katika nyakati nzuri na mbaya, ninabaki Mwananchi. Asante kwa mashabiki wetu na wadhamini (Sportpesa, GSM Tanzania, Azam Tv, Taifa Gesi, Afya)"
"Asante kwa wachezaji na benchi la ufundi kwa juhudi na kujitolea kwao kwa Yanga Sc Kwa wenzangu katika operesheni, Tulijitahidi sana"
"Kwa Viongozi wetu wote na mnaotutakia kheri, asante. Tunarudi kuendelea na kazi na kwa bahati nzuri hatuanzi kutoka sifuri, tunaanza pale tulipoishia msimu huu"
