Mlinda lango Farouk Shikhalo raia wa Kenya ni miongoni mwa wachezaji ambao mikataba yao na Yanga imemalizika
Shikhalo alitua Yanga katika usajili wa mwaka 2019, ukiwa moja ya sajili zilizofanywa na Mwinyi Zahera wakati akiwa mkufunzi wa mabingwa hao wa kihistoria
Jana baada ya kuerejea kutoka Kigoma ambako Yanga ilipoteza mchezo wa fainali kombe la FA kwa kufungwa bao 1-0 na Simba, Shikhalo hakuwa tayarii kuweka wazi kuhusu hatma yake na Wananchi
"Mkataba wako umemalizika je utaendelea kubaki Yanga au unakwenda kusaka changamoto mpya mahali pengine?," mmoja wa wanahabari alimuuliza Shikhalo
"Kwa sasa sitopenda kulizungumzia hilo, tusubiri kwanza," alijibu Shikhalo kwa ufupi
Msimu huu eneo la golikipa lilikuwa mikononi mwa Shikhalo, Metacha Mnata na Ramadhani Kabwili
Kabwili bado ana mkataba wakati Shikhalo na Metacha Mnata wote mikataba yao imemalizika
Wakala wa Metacha Jemedari Said alithibitisha kuwa Yanga haijaonyesha nia ya kuongeza mkataba wa Metacha huku tetesi zikibainisha kuwa Wananchi hawana mpango nae
