Kiungo Mukoko Tonombe anatarajiwa kuwa sehemu ya kikosi cha Yanga kitakachoshiriki michuano ya kombe la Kagame inayoanza Jumapili August 01 jijini Dar es salaam
Wakati baadhi ya wachezaji waandamizi hasa wale waliotumika sana wakipewa mapumziko ya wiki mbili, imeelezwa Mukoko ameomba kubaki ili ashiriki michuano hiyo
Yanga itaingia kambini kesho Ijumaa majira ya mchana kuanza maandalizi ya michuano hiyo ambayo Wananchi watashuka uwanjani Jumatatu, August 02 kuikabili Express
Aidha wachezaji wapya mlinda lango Erick Johola, mlinzi wa kushoto David Bryson na winga Dickson Ambundo wanatarajiwa kujumuishwa katika kikosi cha Yanga kitakachoshiriki michuano hiyo
Wachezaji wengine ambao watashiriki michuano hiyo ni Ramadhani Kabwili, Paul Godfrey, Dickson Job, Zawadi Mauya na Waziri Junior
Wachezaji wengine watatoka timu ya vijana chini ya miaka 20 ambao ni kipa Geofrey Magaigwa, mabeki M Msenda, Said Mashoto, R Msonjo na Ally Said, Omary Chibada, S Kwangala, J Guber, Best Kahemela, Abby Mikimba na Abdulkarim Yunus
