Makamu Mwenyekiti wa Kamati ya Mashindano Injinia Hersi Said amesema usajili unaoendelea kufanywa na Yanga ni mapendekezo ya kocha Nasreddine Nabi
Jana Yanga ilimtambulisha mchezaji wa kwanza aliyesajiliwa katika dirisha la usajili lililofunguliwa Julai 19 ambaye ni mshambuliaji Fiston Mayele kutoka AS Vita
Leo Wananchi wamemtambulisha mchezaji wa pili, mshambuliaji mzawa Yusuph Athuman kutoka Biashara United
Hersi amesema wamekamilisha usajili wa wachezaji wengine kulingana na mapendekezo yaliyotolewa na mwalimu
"Tunatarajia kumtambulisha mshambuliaji mwingine wa kigeni, pia yupo mlinzi wa kati raia wa kigeni. Pia katika eneo la kiungo tuna nafasi za wachezaji Carlinhos na Haruna Niyonzima," alisema Hersi
Sehemu ya mahojiano aliyofanya na Azam Tv kuhusu usajili wa Yanga
