Mkufunzi wa makipa Yanga Razak Siwa ameeleza kufurahishwa na kambi ya maandalizi ya msimu mpya wa ligi kuu na michuano ya Kimataifa kupelekwa nchini Morocco
Siwa aliondoka na kikosi jana akiongoza benchi la ufundi ambapo Kocha Mkuu Nasreddine Nabi na Wasaidizi wake wataungana nao nchini Morocco
Siwa amesema walihitaji kambi itakayokuwa na utulivu ili kuweza kuwaunganisha wachezaji wapya na wale wanaoendelea nao
Amesema kambi hiyo itawasaidia kukiimarisha kikosi chao kabla ya kuanza kwa mchezo wao wa Ligi ya Mabingwa Afrika dhidi ya Rivers United ya Nigeria
Siwa ameeleza kuona wachezaji wote wapo kwahiyo maandalizi yao yatafanyika kikamilifu lengo kubwa ni kuhakikisha wanafanya vizuri kwenye michuano yote.
Kwaupande wake Meneja wa timu hiyo, Hafidh Salehe, alisema kambi hiyo inatoa nafasi nzuri kwa benchi la ufundi na wachezaji kujipanga vizuri kabla ya msimu mpya kuanza
"Hongera kwa uongozi wetu kufanikisha kambi, hii ambayo itawasaidia wachezaji na sisi benchi la ufundi kujiandaa na kuweka malengo yetu sawa katika. msimu mpya tunaoelekea kuuanza mwezi ujao, wachezaji wote wapya na wazamani wote tupo safarini," alisema Hafidh
Yanga imeondka nchini na kikosi cha wachezaji 28 na viongozi 16 wa benchi la ufundi
