Msimu uliopita kuna wachezaji waliingia matatani mbele ya kocha Nasreddine Nabi kutokana na matukio ya utovu wa Nidhamu
Lamine Moro, Michael Sarpong, Metacha Mnata na Fiston Abdulrazak ni miongoni mwa wachezaji ambao walionja 'joto ya jiwe' kwa kuzuiwa kufanya mazoezi na hata kusimamishwa kutokana na kutohudhuria au kuchelewa mazoezini
Nyota hao wote hawako kwenye kikosi cha Yanga kinachoendelea na pre-season nchini Morocco
Nabi ameendelea kuweka msisitizo katika nidhamu ambapo amewaambia wachezaji wake hataangalia jina la mchezaji, wote wanapaswa kufuata kile wanachoelekezwa
Nabi amesema ili Yanga ifikie malengo yake wachezaji na watu wake kwenye benchi la ufundi wanatakiwa kuheshimu muda kwa kila eneo kufika kwa wakati bila kuchelewa
Wakati huu amekuja na utaratibu mpya ambapo kama mchezaji atashindwa kuheshimu muda adhabu ya kwanza atakatwa dola 100 (Sh 230,000) kwa kila hatua ya kuchelewa
"Tunatakiwa kufanya mambo yetu kwa kuheshimu muda hii ndio hatua ya kwanza ya nidhamu yetu,ukiwa na nidhamu ya kuheshimu muda hata uwanjani utakuwa makini na na ndio maana nimewaambia sasa," Nabi alinukuliwa na Mwanaspoti
"Hii sio kwa wachezaji tu hata sisi watu wa benchi la ufundi nimewaambia kama kuna mtu atafanya makosa atakumbana na dhabu na hili nitasimamia mimi mwenyewe ili mambo yaende kwa haraka."
