Mchezo wa kuhitimisha kilele cha wiki ya Mwananchi kati ya Yanga dhidi ya Zanaco Fc umemalizika kwa wageni kupata ushindi wa mabao 2-1
Ulikuwa mchezo wa kwanza wa ushindani kwa kikosi cha Yanga ambacho kimesukwa upya
Heritier Makambo aliitanguliza Yanga bao safi kwenye dakika ya 31 akifunga baada ya kuwaramba chenga walinzi wa Zanaco Fc
Hata hivyo Zanaco walirejea mchezoni kwenye kipindi cha pili na kufanikiwa kupata mabao yao mawili
Akizungumza baada ya mchezo huo, Razack Siwa, kocha wa makipa aliwatoa wasiwasi mashabiki wa Yanga akiwahakikishia kuwa timu itakaa sawa
Yanga imekuwa na changamoto katika maandalizi yake ambapo walilazimika kusitisha kambi nchini Morocco kutokana na joto kali pamoja na baadhi ya wachezaji kutakiwa kujiunga na timu za Taifa
Ilifanya mazoezi Morocco kwa takribani siku tano huku wachezaji wengine tisa wakirejea nchini jana
Kocha Nasredine Nabi atakuwa na wiiki mbili za kukiweka sawa kikosi chake kabla ya kuanza ligi ya mabingwa dhidi ya Rivers United Septemba 12
Wachezaji wapya wameonyesha uwezo wao, Jesus Moloko, Shabani Djuma, Yannick Bangala, Heritier Makambo, Fiston Mayele bila ya kumsahau mlinda Djigui Diarra aliyekuwa bora sana langoni
