Mlinzi wa kulia wa Yanga Shabani Djuma ameeleza kushangazwa na wingi wa mashabiki waliojitokeza uwanja wa Benjamin Mkapa wiki iliyopita katika kilele cha wiki ya Mwananchi
Mlinzi huyo aliyetua Yanga akitokea klabu ya AS Vita, amesema wao kama wachezaji wana deni kubwa kwa mashabiki katika msimu ujao
Amesema wakati yuko DR Congo aliikuwa akiisikia na kuiona Yanga kupitia runinga lakini baada ya kushuhudia umati ulijaza uwanja wa Benjamin Mkapa, amefahamu amejiunga na timu kubwa sana barani Afrika
"Nikwambie, wakati niko DR Congo nilikuwa naisikia na kuiona klabu hii kupitia runinga"
"Lakini kwa sasa nimepata kushuhudia ukubwa wake, ina mashabiki wengi kitu ambacho kama mchezaji kinakupa ishara ya kiu ya mafanikio katika kila ushiriki wa timu"
"Ama kwa hakika hii timu ni kubwa na sisi kama wachezaji yatupasa kufanya mambo mazuri kulingana na ukubwa wake"
"Umati ule nilioushuhudia siku ya utambulisho, si jambo zuri kuwafanya watoke vichwa chini katika mechi muhimu, tutapambana kuwapa furaha," alisema Djuma
Djuma ni miongoni mwa wachezaji waliosajiliwa kwa gharama kubwa na GSM, mashabiki wakiweka imani kubwa kwake kutokana na uzoefu alionao
Ni mchezai kiongozi ambaye mchango wake utaisaidia Yanga pengine kuweza kufikia malengo yake
