Tanzania imefanikiwa kuondoka na alama zote tatu uwanja wa Benjamin Mkapa baada ya kuichapa Madagascar mabao 3-2 katika mchezo wa kuwania tiketi ya fainali za kombe la Dunia Qatar
Bao la mapema la mkwaju wa penati lililofungwa na Erasto Nyoni baada ya Saimon Msuva kufanyiwa madhambi katika eneo la hatari, liliiweka Stars mbele kabla ya Novatus Dismas kuongeza bao la pili
Madagascar walikuja juu na walifanikiwa kusawazisha mabao hayo mpaka kufikia wakati wa mapumziko
Bao maridadi lililowekwa kambani na Feisal Salum katika kipindi cha pili lililotosha kuihakikishia Tanzania alama tatu muhimu ambazo zimewapeleka kileleni mwa kundi J
Tanzania imefikisha alama nne pamoja na mabao manne ya kufunga ikikaa kileleni mwa kundi J ikifuatia na Benin ambayo pia ina alama nne na mabao mawili ya kufunga
Mchezo unaofuata ni ugenini dhidi ya Benin na utapigwa mwezi Oktoba 2021
