Baada ya kupoteza mchezo wa kwanza dhidi ya Rivers United kwa kufungwa bao 1-0 katika uwanja wa Benjamin Mkapa, viongozi wa Yanga wamegoma kuona timu inaondolewa mashindanoni kirahisi hivyo na sasa nguvu zote zimeelekezwa katika mchezo wa marudiano utakaopigwa nchini Nigeria Septemba 19
Ili kuhakikisha wanaepuka changamoto za aina yoyote kutoka kwa wenyeji wao Rivers United, Yanga tayari imemtanguliza nchini Nigeria Kaimu Mtendaji Mkuu Senzo Mazingisa kwa ajili ya kuandaa mapokezi ya kikosi
Yanga imepenyezewa taarifa kuwa Rivers United wana tabia wa kuwaandalia wapinzani wao mazingira magumu hivyo Senzo atahakikisha anaweka sawa makazi ambayo timu itafikia ikiwa ni Hoteli pamoja na eneo la kufanya mazoezi
Yanga pia itasafiri Nigeria ikiwa kamili, ikibeba chakula, maji na mpishi ambaye ndiye anayewapikia wachezaji kambini Avic Town
Yanga imeuchukulia mchezo wa marudiano dhidi ya Rivers United kama fainali
Kwa hakika zitakuwa dakika 90 za 'machozi, jasho na damu'
