Wengi wetu tumemsikia kocha wa Rivers United akishusha tuhuma kwa Yanga kuwa walipokuja hapa Tanzania walifanyiwa hujuma ikiwa ni pamoja na baadhi ya wachezaji wake kubambikiziwa kuwa wana maambukizi ya uviko-19
Kocha huyo alikwenda mbali kwa kutoa kejeli kuwa wachezaji wa Yanga ni watoto wadogo na huko Nigeria wana uhakika wa kushinda zaidi ya mabao manne
Bila shaka ujumbe huu umewafikia wachezaji na viongozi wa Yanga, huyo kocha wa Rivers majibu anapaswa akutane nayo uwanjani
Kauli zake ni kuichafua Yanga tu, kwani kwa suala la uviko-19 Yanga haihusiki kwa namna yoyote katika vipimo
Kwa kawaida vipimo hivyo vinafanyika chini ya uangalizi wa CAF wenyewe na usimamizi wa Serikali ya nchi ambayo mchezo unapigwa
Yanga tayari wanazo taarifa ya hujuma ambazo wamekuwa wakizifanyia timu pinzani katika michuano ya CAF huko Nigeria
Maneno yake ni kama kujaribu kuhalalisha mambo maovu ambayo wamepanga kuifanyia Yanga kwa kivuli cha kulipa kisasi
Hata hivyo hawataweza kwani Yanga ilifahamu mapema kuhusu uovu huo na ndio maana mpaka sasa hawafahamu Yanga itasafiri lini kwenda Nigeria, na hawatafahamu
Wao wasubiri kuiona Yanga ikiingia uwanjani na baada ya mchezo Wananchi wataondoka usiku huo huo kurejea Tanzania
