Msemaji wa Yanga Haji Manara amesema timu iliwasili salama nchini Nigeria kuelekea mchezo wa marudiano ligi ya mabingwa dhidi ya Rivers United ambao utapigwa Jumapili
Manara amesema timu iliwasili Nigeria majira ya saa tano usiku (saa saba Tanzania) lakini kulikuwa na usheleshaji mkubwa katika uwanja wa Ndege wa Port Harcourt
Hata hivyo amesema walitarajia kukutana na changamoto hiyo ambapo amesema baada ya kuondoka uwanja wa ndege majira ya alfajiri, wamewapa wachezaji mapumziko
"Baada ya kumaliza taratibu zote hapa uwanja wa ndege, timu imeelekea Hotelini ambapo wachezaji watapumzika mpaka saa kumi Alasiri timu itafanya mazoezi katika uwanja utakaotumika hapo kesho," alisema Manara
Yanga imetua Nigeria ikiwa na msafara wa watu zaidi ya 60 uliojumuisha wachezaji 22 ambao watakuwa na kazi moja tu, kuhakikisha mabingwa hao wa kihistoria wanapata ushindi utakaowavusha raundi ya kwanza ya michuano ya ligi ya mabingwa
