Msemaji wa klabu ya Yanga Haji Manara amesema licha ya kuwa Geita Gold Wanashiriki ligi kuu kwa mara ya kwanza msimu huu, watawaheshimu pale watakapokutana nao katika mchezo utakaopigwa uwanja wa Benjamin Mkapa Jumamosi
Manara amesema baada ya kumalizika kwa mchezo dhidi ya Kagera Sugar ambao walifanikiwa kuondoka na alama zote tatu, wanaelekeza nguvu katika mchezo huo unaofuata
"Ndio tunakwenda hatua kwa hatua,hatutasema sana zaidi ya hamasa kwa watu wetu"
"Mchezo wa jana umepita, kwa sasa tunachoangalia ni mchezo dhidi ya Geita Gold Jumamosi pale Kwa Mkapa"
"Ni muhimu sana kwa kuwa ni mchezo wa kwanza nyumbani katika msimu huu. Haijalishi kwamba wamepanda daraja msimu huu lakini tunao wajibu wa kuwaheshimu kama timu ya ligi kuu. Lakini wanapaswa kujua wanakuja kucheza na Yanga," alisema Manara
Kikosi cha Yanga kimerejea jijini Dar es salaam leo wakitokea Kagera tayari kuwakaribisha Geita Gold uwanja wa Benjamin Mkapa siku ya Jumamosi
