Bryson wakati wake utafika

Mlinzi wa kushoto wa Yanga David Bryson ameendelea kuimarika baada ya kupona majeraha yaliyomuweka nje kwa wiki kadhaa

Tangu asajiliwe na Yanga, Bryson bado hajapata nafasi ya kuonekana kikosini lakini ni kutokana na majeraha hayo ambayo alikuwa nayo wakati akisajiliwa na Yanga

Mkufunzi wa Yanga Nasreddine Nabi amesema wakati wa Bryson kuonekana kikosini utafika kwani ni muhimu kujiridhisha kuwa amepona majeraha kuliko kuhrakisha kumtumia halafu akaumia tena

Bryson pamoja na Yassin Mustafa wote wamepona majeraha na wanaendelea kuimarika kabla ya kuanza kutumika kwenye kikosi cha kwanza