Mshambuliaji wa Yanga Fiston Mayele amesema jambo la msingi kwao ni kuhakikisha wanashinda michezo yao suala la idadi ya mabao wanayofunga wataendelea kulifanyia kazi
Yanga imecheza mechi nne mfululizo zote ikishinda bao 1-0. Walianza kuichapa Simba bao 1-0 katika mchezo wa Ngao ya Jamii
Wakaichapa Kagera Sugar bao 1-0 na baadae kuichapa Geita Gold bao 1-0 katika mechi za ligi kuu
Juzi katika mchezo wa kirafiki dhidi ya JKU, nao wakashinda bao 1-0
Mayele amesema ni mapema sana kulaumiwa kwa kuwa timu inafanya vizuri, wanashinda mechi zao tena wakiwa hawaruhusu bao lolote
"Ni mapema sana kulaumiwa ukizingatia tunapata bao moja ni la ushindi hatujaruhusu kufungwa na katika bao hilo moja kunakuwa na nafasi nyingi zinazotengenezwa hivyo hii ni moja ya sifa kwetu kwamba tuna uwezo mkubwa tukitulia," alisema Mayele
Kikosi cha Yanga kinaendelea na mazoezi Avic Town kujiandaa na mchezo wa ligi kuu dhidi ya KMC utakaopigwa uwanja wa Majimaji wiki ijayo, Oktoba 19 2021
